KÍTÓN konur á kvenréttindadaginn
KÍTÓN konur stíga á stokk í Viðeyjarstofu 19. Júní og flytja fyrir tónleikagesti samsuðu verka, eftir meðal annars hver aðra. Kvöldið hefst kl. 19:30 á skynvíkkandi fordrykk að nafni KÍTÓNSkraftur en hann heitir í höfuðið á hinu nýstofnaða félagi kvenna í tónlist KÍTÓN. Ferjan siglir frá Skarfabakka kl. 19:15 og til baka að tónleikum loknum.
Listaverkin í Viðey — þriðjudagsgangan 18. júní
Heiðar Kári Rannversson verður með leiðsögn um listaverkin í Viðey þriðjudaginn 18. júní. Hann ræðir um Friðarsúlu Yoko Ono og Áfanga eftir hinn kunna, bandaríska listamann Richard Serra. Heiðar Kári útskrifaðist með BA gráðu í listfræði frá Háskóla Íslands vorið 2009 og MA námi í Listrannsóknum frá Háskólanum í Amsterdam árið 2012. Lokaverkefni Heiðars frá [...]
Sumarsólstöðuganga föstudaginn 21. júní
Föstudagskvöldið 21. júní verður gengin sólstöðuganga í Viðey eins og tvö undanfarin ár en þetta er tuttugasta og níunda sólstöðugangan í Reykjavík og nágrenni. Þór Jakobsson veðurfræðingur og fleiri leiða gönguna. Á sumarsólstöðum 21. júní árið 1985 var fyrsta sólstöðu gangan gengin frá Þingvöllum til Reykjavíkur en upp frá því voru farnar ýmsar leiðir um höfuðborgarsvæðið. [...]