Viðey er um 1,6 km2 að stærð og skipt­ist í tvo hluta, Heimaey og Vesturey, sem tengj­ast með Eiðinu. Eyjan er afar gróð­ur­sæl og var öldum saman talin ein besta bújörð lands­ins. Þar sjást enn ummerki túna og hlað­inna garða.

Viðey rís hæst 32 metra yfir sjáv­ar­máli og með­fram strönd eyj­ar­innar sjást stór­brotnar berg­mynd­anir. Skal sér­stak­lega bent á feg­urð stuðla­bergs­ins í Virkishöfðanum og Eiðisbjarginu. Æðar­fugl er algeng­asti fugl­inn í Viðey og verpir hann beggja vegna við Þórs­nesið, en þar er eyjan friðuð yfir varp­tím­ann, á tíma­bil­inu 1. maí — 1. júlí. Aðrar algengar fugla­teg­undir í eyj­unni eru fýll, grá­gæs, hrossa­gaukur, send­lingur, og tjaldur en alls verpa þar um 30 fuglategundir.

Viðey er ekki hættu­laus staður. Þar er að finna kletta, skurði og tjarnir sem geta verið var­huga­verð. Við bendum á að börn eru á ábyrgð for­eldra eða annarra for­ráða­manna í eyjunni.