Þriðju­dag­inn 21. ágúst býðst áhug­sömum að mæta eitt kvöld í ókeypis staf­göngu­kennslu hjá Guðnýju Aradóttur, einum fremsta leið­bein­anda lands­ins í þess­ari íþrótt. Stafganga er holl og góð hreyf­ing fyrir alla og hefur hún und­an­farin ár rutt sér til rúms sem fyr­ir­taks heilsu­rækt og úti­vist. Sífellt fleiri sækja nám­skeið í staf­göngu og stunda íþrótt­ina reglu­lega í kjöl­farið. Þeir sem eiga stafi taka þá með, en einnig verður hægt að fá stafi lán­aða hjá leiðbeinandanum. 

Í sumar eru auka­ferðir á þriðju­dags­kvöldum til Viðeyjar frá Skarfabakka kl. 18:15 og 19:15.  Kaffihúsið í Viðeyjarstofu er opið þessi kvöld og upp­lagt að njóta kvöld­verðar í eynni áður en heilsu­ræktin byrjar. Stafgangan hefst kl. 19:30 við Viðeyjarstofu og tekur eina og hálfa til tvær klukkustundir.

Að göngu lok­inni er upp­lagt að tylla sér niður í Viðeyjarstofu og fá sér hress­ingu áður en haldið er heim á leið en sein­asta ferjan fer úr Viðey kl. 22:00.

Gjald í ferj­una fram og til baka er kr. 1000,- fyrir full­orðna og kr. 500,- fyrir börn 7–15 ára í fylgd full­orð­inna. Frítt fyrir 6 ára og yngri. Stafgangan er ókeypis og öllum opin.

Við minnum á að hand­hafar Menningarkorts Reykjavíkur fá 10% afslátt í Viðeyjarferjuna og í Viðeyjarstofu.